喵~喵~喵~疊高高

前兩天不經意經過新都城下面戲院,發現疊疊貓扭蛋,
太開心了~既刻換了散紙,
站在扭蛋機前唔肯走啦~~~(只可以入5元,15元一個)

隻隻都好得意!!!!
先聲明其實扭蛋我沒興趣的,唯有貓貓主題我先會小敗一下


家裡那隻Corn爺在瞓覺,偷偷影左幾張相~
(佢至愛粉紅色,見到我件背心就挨埋去瞓)

正一大姣公!!!!

冬大過年

昨晚是冬至,前兩天已經跟家婆他們食過,昨晚就自己在家自制冬至晚餐~
傳統中餐也吃到厭,再加上雞貴到不合理,就煮些別的吧~

焗白汁意粉

參考網友教的"白酒煮青口"~(Pandora)
(在黃埔Jusco超市買到紐西蘭進口小青口)

喝點小酒怡下情~

煎左塊日夲和牛送酒

兒子的至愛羊架不可缺少~


外加甜品~蕃薯湯煮小湯圓
可惜食完先記得忘記影相...............

無痛打洞

常見到有幫人"無痛打洞"的穿耳鋪頭,
我屋企的小豬們應該都可以做這行生意,
看...............................
這打的多好,多均勻...........
每一平方釐米都打到一個洞啦!!

(可憐這是工人姐姐送我的生日禮物呀!)

另PO每天早上例行一事,

Popcorn之----對哥哥書包依依不捨,
放學之後還有,
Popcorn之-----對哥哥書包難分難解

哥哥每天都滿身貓毛的上學去,
聽說在學校見到貓毛還會想念家中小豬!!!!!!

說好不打臉~II

兩隻無聊的豬沒事一大清早就開片!!!!!
我都費事理,橫定天氣咁凍~~運動下筋骨都好!!!

Mocha:做乜打我面?

叉你條頸~~

踢爆你!!!!!!

再打我翻臉了喔~!!!



唉~~算罷啦你地兩隻野~~打到最尾除左成床毛之外,
1D結果都冇...............我又要吸多次塵!!
唔准打啦!!!

瑣碎雜事

先PO幾張小豬們食o野用的碗,因為怕碗太低貓貓吃的時後會辛苦,
所以把兩個碗疊一起,高一點的話應該會好些,

等貓貓再大隻些,還可以再買幾個疊一起.........

大爺Corn最鍾意既一樣玩具係一個藍色軟軟骨頭,成日拋上拋落當佢係老鼠咁玩,
雖然好好奇當真正既老鼠遇到佢會點?不過冇可能有真老鼠黎實驗,
都係玩假既算數!!!

玩玩具仲有專人伺候,你e個大爺都做的幾梳服~~~
不過從細懶到大既阿爺Corn慣左俾Mocha舔毛,
我都唔係好明點解Mocha咁鍾意幫人地清潔毛毛呢?
佢自己既毛毛都清潔的好勤力,
得閒仲要清潔埋阿Corn...........真奇怪?!?!

(所以我俾去毛膏時,Mocha的會俾多D)

Catier

又快到聖誕佳節了,每個商場都充滿了濃濃的節日氣氛,
繽紛亮麗的裝飾加上打了很不錯折扣的商品,
處處都在對消費者招著手.................
打開報紙也見到名牌店整版整版的美麗廣告,
聖誕節似乎變成一個不消費你就不能過的節慶之日了,
看看Cartier的這個豹子廣告,應該是花了不少功夫才拍成的,
乍看之下,難怪豹子是屬於貓科動物,
那個眼神跟毛皮跟一隻漂亮的貓咪一模一樣,

老公看了廣告之後,手多多的也惡搞一張出來,
算是應景,來個


Catier

這個山寨版的Cartier也算有一點點聖誕節氣氛吧!
(只不過這位山寨主角是增肥版)

異國"曼雞"貓

每次見到波波豬同其他曼基貓都覺得太不可思議了,
點解個腳可以咁短?
咁短既腳又點解可以咁零活?

突然間發現..........Popcorn都有曼基貓既隱性基因,
你睇~!!!!把腳仔收埋的幾成功??

Popcorn: 麻媽~雖然我知你好恨我係一隻曼基貓,but我都可以扮下曼"雞"貓tun你開心o架!!

ㄚ!!!原來大爺Corn都有溫柔既一面!!!實在太感動啦~~

(難得一見既場面.........大爺Corn在我身上瞓覺,仲發出"咕嚕咕嚕"既聲添~~)

今年既夏天零舍長

已經11月中了,天氣仲係25度以上,日日都著住短袖,見到家家賣衫既鋪頭全都換成冬裝,當然很開心的左買買右買買,
跟住等住天氣有點寒意,就可以換季啦!!!!..............左等等...............右等等............氣象局又話今個星期會凍d..........
抬頭望住個天.......陽光普照,穿長袖?..........想熱到抽筋咩?說好的18度呢?

望天打卦?

Mocha都有新裝........紙袋一枚

媽媽真識虐待小朋友,自己買一堆新衫,我就得個紙袋......................>"<

小MO~

每次BLOG的主題大多圍繞住肥爺corn轉,可能給人以為肥Corn是家中之寶,其實是個很美麗的誤會,
家裡每個成員暗地裡都跟我表示了...........他們比較喜歡Mocha!!!
為何呢?

因為..........只有Mocha才會當你每朝打開房門,他一定快速衝進來,給你一個morning招呼禮,

也只有Mocha才會當你聚精匯神玩電腦時,靜靜坐在你身後,很乖又無聲的守候,

他的招牌動作就這個.............靜靜的坐著...............靜靜的看著大爺Corn玩著逗貓棒,雷射,鼠鼠
從來都不會搶,只有等肥Corn玩完了才會走去玩具那,撥個幾下,因為他最有興趣的是"飲筒".........

一條小飲筒可以讓他忙個好幾個鐘,都算抵玩了!!!也省了不少玩具錢!!

他的性格如此乖巧,所以屋企大大小小都說比較喜歡他的性格,(除了我對肥Corn那種臭老脾情有獨衷之外),
不過也不代表我不喜歡他阿,他的小名"BB"就是我幫他取的,這個小名充份反應他給人的感覺,像個可愛又讓人疼的小BB!