新年快樂

祝各位BLOG友
龍年行大運
升官發財樣樣齊
家中寵物皆生猛
年年青春又健康


~~恭喜發財~~

(新年會去台灣一遊,返來再更新回覆)

貓貓物語

最近唔知係唔係因為歲終,個個BLOG姨e都好忙,
都好少更新.........
只好由我這個大懶蟲小小更新一下,
以報答之前大家努力更新的辛勞~~

阿Mo永遠都用很斯文既姿勢坐响度,
帶著若有所思的神情~~
其實阿!!!佢只不過係腦袋放空,
我成日見佢咁樣,就好大聲叫佢,
叫左好多聲........佢先傻傻地望向我,
好似發左個夢既眼神~
所以我就知..........佢只不過諗!
"幾時先有野食...........???..."

不過佢都有鬼馬既一面~~~~

佢冇Corn爺咁醒目~~撲o野更成日跌地下,眼界好差,

係屬於做野打爛野果種!!!!

不過性格比Corn爺可親好多,
鍾意黐人~~有時半夜都會吵要入房...............
一入黎我就冇的瞓,因為佢直接跳响我身上,
在我膊頭上瞓,仲係咕嚕咕嚕好大聲,立體聲效!!!.....................(我係側瞓)

(阿Corn既痕痕好番好多,碘酒溝水唔錯o架!!^^)

穿口水肩的小孩

最近阿Corn唔知點解狂舔自己毛,搞到甩毛又肚疴,
食左成肚毛咁係肚仔唔妥啦~
餵左唔少貓草加埋吐毛膏之後,
肚子好返好多,但都係狂舔毛,
去賣BB衫鋪頭買左底衫,諗住改改下俾佢當衫仔著,
唔好再俾佢舔相同地方~

以為薄薄地佢會肯著,
因為以前試過,阿Corn係唔肯著衫既,
果然........................................

佢只肯响地下典來典去~  (果日燈光唔夠影的好差)

唔肯起身!!!!!!扮軟蟲一隻!!!!!!!!!!!!!!!

見到咁個情形..................投降果個一定係我!


只好著返佢以前肯著果款口水肩................

著住口水肩就肯玩肯跑肯跳.............不過都係臭住塊面~~

童玩

各位估估下.........這是什麼?

現在的玩具店已經好少見到了~(或是太久沒去逛)
唔覺眼有在賣!!!

前兩天整理雜物,在床底下找到一樣很久很久以前的玩具...........
是女兒的至愛玩具種類,
有好多樣式,
其實是太可愛自己也很喜歡就買了好多,
但長大之後她很少玩就慢慢丟了很多,
至今只留下了一套...........

                               polly pocket

有聽過嗎?
有好多小小盒子,以各種形式,像小店,學校,課室,小臥房,
再加上小小的人型公仔,
連我自己也常把玩不捨放手,

突然從床底下找出舊物~~真的有種時光倒流的感覺~