佳節將至

又是聖誕佳節將至,一連串的假日更是興奮,
女兒也會回港過聖誕,扁臉家族一家充滿期待,
也祝所有貓友Blog友有個美麗又開心的聖誕!!!

聖誕快樂

比狗大隻的貓

每到夜晚11點就係屋企寵物既Snacks time ,狗狗Belu同肥爺Corn都是小魚愛好者,
都會好乖坐定定等餵食,

見到咁乖咁可愛既兩個小東西,邊影邊偷偷笑,
突然間發現............
呢個肥爺Corn竟然大隻過狗狗Belu,
你係乜野貓o黎架!?可以大隻過狗都有o既,
唔怪之成日叫佢豬仔包啦

一到冬天就會見到好多癡纏鏡頭,
十分三級十分不雅,
纏綿悱惻,難度驚人,
若非身經百戰之貓奴,請勿入內觀看!!!!!!!






大太監外傳@深宮後院

嘖嘖嘖~絕對超出電視尺度,兒童不宜呀!!!!

打工8年的第一隻手機(+後記)

這個標題講的是我家的工人姐姐(C),
大家都知我家有個愛貓的姐姐,平常都會固定餵養三隻流浪貓,
佢同我打左6年工,加埋之前响德國打了兩年工,佢總數打o左8年住家工,
打了這麼久的工,你一定想她應該儲了不少錢,答案是......NO,
她不是揮霍無度,也不是愛慕虛榮,每個月的三千多人工她自己留零用500,另500儲起,
其他全部給了她的母親(L),就算是儲起500,也常被母親說錢不夠用而拿出來,
(母親L本身也是在香港打工)
而母親L最大的支出是........供養住菲律賓的家人(弟弟姐妹等)

年復一年供應之下,弟弟妹妹都結了婚成了家,母親L也很大方的幫助他們買地起屋,成家立業,
還生了小孩,母親L極愛孫子,成日買很多靚衫,貴價玩具寄回去,
但這還是不夠,他們想做生意,想買這買那,
當然沒有這個能力唯一想辦法的對象就是姐姐C,

事情起源就是,我給了姐姐C長期服務金.........
母親L想買X星最新出的平板電腦,理由是:隨時可以跟菲律賓的孫視訊,
在得到消息我會給長期服務金開始,就一直問姐姐C幾時能拿到,能給她多少錢,諸如此類...
又說弟弟妹妹想做生意,想要姐姐C給錢,
這一切一切的讓姐姐C開始反感,她覺得自己30歲還單身,沒地沒屋,她最想的是儲一些錢,
以後打完工回老家可以起一間屋,但所有計畫全都不能實行,她想存錢為了將來,
不想再為弟妹一直無限制的給予

但母親L覺得:
你有錢為什麼不接濟弟妹?不幫助他們?你為何這麼自私?
我長期在港打工,沒有任何人幫助我!(姐姐C打了8年工的錢都不算?)
你是一個不孝女!

就開始長期的跟姐姐C冷戰,不回電話不回短訊,
完全不聽解釋,也無意溝通,
姐姐C一跟我談到這個就開始眼框紅.
但對於個性如此固執的母親L毫無辦法,

終於拿到錢之時,
姐姐想買一部目前大家都非常流行的智能手機,
我有間相熟的手機鋪頭,買手機會比外面便宜300,
我問姐姐budget有幾多?她說:.......1500.
雖然預算很低,但還是找到一部1300的智能手機,
這應該是她買的第一部新手機,
之前全是用我們淘汰的二手機,
而這是她打了8年工獎賞自己的獎勵.
亦入了3000元到母親L菲律賓的戶口,(就不會浪費錢買平板電腦)

各位blog友,有好提議幫一下可憐的姐姐嗎?
這位不溝通又好面子的母親L,我也非常頭痛.
難道是讓姐姐C好似以前一樣,不停不停的給予?

========================================================

後記

聖誕節將至,這是一個在菲律賓人眼裡很重要的節日,
前思後想還是由我出馬,打電話給母親L,看她對這種僵局有何想法.
這通大約30分鐘的電話裡,有10分鐘是聽母親L哭訴她的辛苦,
10分鐘抱怨個女兒不support她,及其他的壞話
重點是,母親L口口聲聲一直重覆一句話.......I want give her a "big" lesson
從這點我感覺到,面對女兒日漸有主見,對於母親的編排開始反抗,
母親有感危機四起,決定用這種冷戰方式讓女兒屈服.....

但我也有我的目標,我只強調幾句,請母親L要多去想想姐姐C的好,
因為知道想說服母親L改變她的想法是天方夜談,
甚至於當我講到姐姐C以前只用二手機時,現在只花好少錢買個新的,
母親L回我:......至少佢有二手機用,
從這點我先確實確定,母親L從未設身處地為姐姐C想過.

這通電話唯一要send的訊息是:
我是雇主,我已知你們之間錢銀糾葛,現在不是你可以為所欲為,
但我目地都好希望她們兩母女可以真正珍惜對方,
而不是為了自己私欲的目地而愛,
母愛不是最無私?最偉大的嗎?
為了什麼改變了呢?

(母親L所講的一番說話我並沒有講俾姐姐知,因為知道後果一定是決裂)

 

 

 

 

寒意

不知不覺已經11月尾,今年仲未食過大閘蟹,就唔到時間,成日話要食但又去食第二樣,
一方面又要牽就阿仔(佢奉旨唔食海鮮類),再唔食就要過了季節,
都還是走去新三陽買,原本以為今年當造聽講都唔貴,點知一睇都4xx5xx6xx一斤,
(4~6兩一隻),問老闆點解仲貴o左?原來貨源都被台灣買家搶走,
9月初比較平可惜冇買,老公話一年又唔係食好多次,貴D都冇所謂,
揀o左6隻,唔該1300.........(上年9隻先1300,好唔抵)
蟹屬於濕毒o野,我一年至多食3次......一食多個皮膚一定唔惦,
而且食完蟹我又會狂打乞泣,鼻敏得好交關,
所以食之前一定飲多D薑茶暖身,加埋暖暖地中國式酒情況會好很多,

慢慢嘆蟹邊飲暖暖地o既太雕酒,好易入口又溫和,成個身暖烘烘,
天南地北扯東扯西,在寒冷的天氣裡更顯溫馨~

氣溫一下子掉到13度,我地竟然心思思想去西貢食飯~
平時假日的西貢好熱鬧,我們都會帶狗狗去行行,
成個西貢海邊可以見到上百隻狗隻好開心的散步,
但今晚...............

遊人寥寥無幾,加上細細的雨絲,更顯戚清
但細雨下的西貢又是另一種風情,
跟老公啖著淡啤酒,又開始談天說地,
看著阿仔開心的吃著海南雞(係佢揀o左好耐之下的選擇)
有時覺得地方不是太重要,
是要看你跟著什麼人一齊,心境心態如何,
才決定一切~~

冷冷的寒冬已至,
卻份外容易讓人感受到"溫暖"這兩個字........

祝大家都有個溫暖的寒冬!!!!!

愛情保衛戰@公主病

朋友傳來一套片(愛情保衛戰@公主病),看了笑掉我大牙~
原來當今社會真有如此女子,把男朋友當奴隸.............
而果位男仔仲忍足4年,太陽底下真係日日有新鮮事
好佩服三位評審老師,把果位女子批評到羞愧又知醜,
如果佢真係肯改就好啦!!
唔好等到失去o左先來後悔,呢套片真係娛樂性十足,
繼續追梗其他集~~

阿Corn都話哉:

公主病算的係乜o野,王子病先係高人一等..........
我可愛過你咁多!!!!!!!!!!!!

無草不歡

   左:阿Mo 右 : 肥Corn

我地屋企o既貓豬其實同羊咩咩好似,一個星期要食兩次貓草~
如果唔食就會爛便便,之前以為係腸胃問題,
杜蟲藥亦試過,腸胃酵素都試過,一直反反覆覆,
有時便中帶血,食過兩個療程o既梨型蟲藥~
又化驗又大清潔,搞的好頭痛,
所謂o既杜蟲藥好多時變消炎藥(?!點解?唔好問我,係獸醫大人開o既)
唔通成日食消炎藥?
結果在自己觀察之下發現.............
其實係小豬們lam毛lam成咁,食o左貓草會好很多,
而且唔可以一個月食兩次o個種,係要隔兩日就要食會更加好,
貓地好鍾意清潔自己,日又lam夜又lam,一日唔知食o左幾多毛入肚,
又唔係隻隻貓識嘔返D毛出來,咁樣CC自然唔靚,

一到餵草草時間,兩個好肉緊,而且唔可以一條一條餵,
要一大咋一大咋餵,食的好滋味,
肥Corn當然要先餵,如果唔係咁,會臭口臭面唔肯食,
我俾個新花名佢: 王子殿下~!!!

屋企通常會種四盆貓草,要食先剪D俾貓食,但依然留住根部,仲可以再長,
一盆可以食個幾星期,未食完就要再種另一盆,貓草要生長期,
咁樣就可以keep住日日有草~

自從咁密集o既餵貓草之後,佢地o既腸胃問題就解決o左,

有時最自然o既o野係最好的!人同貓都一樣喔

米芝蓮之旅

 

上星期台灣的朋友來港參加品酒節既活動,
順便指名要試香港的米芝蓮餐廳,
就順應要求訂o左三間餐廳:龍景軒(四季酒店),龍璽(ICC 101),Oyster And Wine Bar(喜來登酒店)

朋友中有一位專職品酒師,對所有的葡萄酒瞭若指掌,
兩餐晚餐都有點餐酒,配上美食,果然有畫龍點睛之妙,
把食物的特值美味完全帶出來,從中學o左好多酒的知識

龍景軒:

粉紅色香檳,柔細的泡泡,好易入口,不酸不澀,飲o左兩啖已經有酒意,
食物反而變成配角,果樽香檳完全吸引晒我地既注意力~

 

在遊客的眼裡,叉燒,乳豬係好道地的港式食物~\\^o^//


 龍璽:

呢間餐廳係睇Oli既BLOG有介紹,覺得又有特色又新淨,
去o左之後果然受到朋友不停的讚嘆,
呢個先至係代表香港為國際化大都會的餐廳~

 

由餐廳窗外望到香港大部份景致,
都不得不覺得呢度真係靚,只可惜呢日天陰

101層的高度,連高樓都變的渺小,更何況人

我對食物要求唔係太高,實在食唔出好與壞,
只覺得呢度服務一流,餐具都用我最鍾意的骨瓷,
淨係呢點就值100分~

Oyster And Wine Bar(喜來登酒店):

雖然喜來登已經好舊,不過佢樓上o既呢個oyster bar氣氛好好,
夜晚對住個維港,對於遊客來講,見到如此夜色,都為之陶醉~

只可惜果晚手機已經冇晒電,
影唔晒其他美食~

今次帶朋友飲飲食食之餘,
都讓我對香港有另一種新的體驗,
在別人眼中,
香港真的是一個美麗又多新奇東西看的城市,
我想我要多點疼惜它,不要再抱怨它的不足了~

 

臉大的那個

很多人常說分不清阿Mo跟肥Corn,
其實簡單的不得了,
臉大的那個就是肥Corn,

看看那個臉,惡行惡相,
你給慢了小食,那個臉臭到............
一字眉添

次次見到果個大大塊面,
就忍唔住影相,
只不過怕被人話大細超,
我PO阿Mo比較多D,
肥Corn好耐冇PO過啦~~

 

右邊勁飛機耳的係肥Corn,
冇望鏡頭既係阿Mo,
影完呢張下一秒已經雞飛狗走,做鳥獸散了!!
其實睇睇吓,果然都幾似o架~

我愛酵素

好久沒更新啦~就來跟呢媽一樣變成月刊
其實係掛住打機,玩開o既『魔獸世界』呢排改版,咁係努力升呢啦,
我諗冇邊個阿媽會同個仔一齊打機o掛,
佢地細細個就同我一齊打機(,5,6歲到)~~個仔四年班就識打倉頡,打歸打,
功課唔惦一定罰唔俾玩,而且話收機就收機,
所以至今個仔功課都保持全級前20名(中四),
全班前幾個,尤其英文一定係全校最高分果個,
小六已經睇外國片唔洗睇字幕,過癮o既係~~~
我兩個小朋友只係讀普通中文小學但都派到英文中學,
(唔記得講家姐添,佢英文從細就勁,中五去加拿大讀書唔洗先讀語文班)
所以打機反而係我同小朋友之間好良好的溝通方式,雖然大多數係為o左遊戲爭執
不知不覺講一堆,忘o左正題!!!


我愛酵素!!!!!

前一排好興自整酵素,柴娃娃都整o左D試試,
原本飲飲下都唔錯,我又唔鍾意飲汽水,
就把酵素當飯後飲品~
結果有一日.........同親朋食飯(應該係中秋節o掛)
佢地話:點解你塊面瘦o左?(前幾日o岩o岩從台北飲飲食食返o黎)
點有可能?!
個仔就幫我影o左張相,一睇之下......好似係喎~~
去片~~~(唔好笑我阿,係特登擺個古靈精怪post)

自問出年就邁向50大關o既高齡,
咁都算睇的落眼,唔會嚇親人
(冇用任何apps搞過,後面有大燈有些少反光)

所以..................
我完全歸功酵素,因為我除o左水同酵素其他都唔飲,
龍眼,雪梨,桃子,蘋果......各式各樣的生果我都會試,
原本唔想寫,因為感覺好似晒命咁,
只不過寫blog的精神就係有好o野就分享俾大家~
眾blog友姐妹!!努力飲酵素呀


******補充返我自己覺得酵素功用*****
龍眼(好瞓D),雪梨(喉嚨怪怪地幾聲咳,我飲o左就冇事),李子(暫時唔覺)
希望以後多飲幾種再補充