天生豬頭柄

呢個Corn爺日日都係夏日炎炎正好眠,
10次望住佢8次响度大覺瞓,
另外2次係擺住個Chok樣望返你!!!!

(電腦後面的寶座)

返轉又瞓得~~~

咁樣瞓得天昏地暗之下,
個身型十足十似個豬頭柄~~

體重堂堂邁入6KG~(阿Mo同佢距離越來越遠....3.9Kg,以前細個只相差100g)

果塊面係唔係成個豬頭柄咁呀??

2012蘇梅@Six Senses

整個旅行過程中,一切的事物都是一種事後美好回憶,
無論是"食物""景色""風土人情""旅程中的小小挫折"也好,
都是日後回想起來一種獨特感受,
當中還有一項非常重要,可以話會是幾年甚至幾十年都會津津樂道的.....
就是所住的.......『酒店』。

好的酒店會讓你整個假期充滿了滿足又安逸的氣氛,
差的酒店會讓整個旅程像個惡夢,
因此我們在安排旅程中,會花很多時間選擇適合的酒店,
這個假期的性質是"休閒"~
所以我們選了Six Senses,之前曾住過華欣的Six Senses覺得很滿意,
剛好又遇到蘇梅Six Senses打折,當然不想錯過機會,
果然....它沒有讓我們失望!

 

從一進酒店裡見到一個搖搖椅開始,然後酒店小車車戴我們去房間,
就知道選對了酒店,

在這六天裡,我們早上在酒店的自助早餐之後,
就在房外泳池消磨時光,
兒子游泳玩水,我就在池畔看書,
音樂在空氣中輕輕的飄動....
天空又是一大片無際的藍,
偶爾傳來不知名鳥雀的叫聲配上風吹椰樹的沙沙聲,
一切的一切都讓人忘記了身處何處,
似乎從出生就在這一樣,那麼自然那麼渾然天成。

很開心在這裡清清靜靜的渡過六天快樂時光,
我知道就算幾十年之後,
我地仲會記得這六日的!!
謝謝你~Six senses

 

2012蘇梅@Hea到最高點

蘇梅基本上不是一個很大的島,開車繞一圈差不多1小時半應該就夠,
整個海岸線就被無數的Resort包圍著,
各大酒店集團霸佔著景色幽美的角落(等於四面都係海景),
Six Senses佔據島的東北角,Four season佔領西北角,
東南與西南因為冇路過所以唔知,
不過想也知是被大型酒店集團霸住(可能係Banyan Tree?)

島上最旺同埋最多人聚集的地方應該係東邊沿岸的小鎮Chaweng,
成條大街就沿住海灘,幾公里全都係休閒酒店Resort,幾十間都有啩!
泳池就响沙灘邊,加埋沙灘上的酒巴林立,很多外國人聚集此地,感覺好似來到Hawaii,
有大隻佬有養眼Bikini,當然也有大鄉里扁面貓家族!

六日的休閒日子中,除左日日响酒店游水Hea之外,有四日我地响Chaweng遊蕩,
因為呢度的Massage實在平到笑..........
成條街(Beach road)至少開o左二十幾間SPA+Massage,可能惡性競爭之下,
各種價錢都有,一小時foot massage 從180銖~~300銖都有(合港紙4x~7x),
Head+Shoulder 300銖~400銖都有(港紙7x~100),平成咁我地次次都兩個鐘起跳,
有次我選o左Body Scrub+spa treatment 兩個半小時先1500銖(港紙3xx),呢間已經
算貴o既,之前咁樣的SPA我通常响酒店裡做(主要驚衛生問題),不過一見到價位都7000銖起跳,
真係天淵之別,响呢幾日閒晃觀查下找間乾淨的SPA試試,再貴都比酒店平阿!

除o左做Massage之外,我地至愛的係.........坐响酒巴外發呆!!!!
點一杯Cocktail(又係平到笑,一杯99銖)25蚊港紙!就傾下解講下笑,
乜都唔做,乜都唔諗,就係坐响度,悠悠閒閒望住條街景.....
有時坐响海灘的酒巴度,望住個海,望下個天(蘇梅的天零舍大又藍),
平時响香港食飯,食完既刻就走(餐廳都唔會俾太長時間你啦),
邊次試過坐响度發呆?係根本冇可能,亦冇咁o既閒情雅性,
但是..........在蘇梅,我地破記錄的坐了五個鐘頭!!!!!(連我地自己都唔相信),
感覺好舒服,唔洗趕,唔洗急,就只有...坐响度!!

2012蘇梅@到哪都是貓奴

一返o黎仲未脫離懶懶行o既旅遊心態,
提唔起勁更新,另一個原因係......
响果邊見到幾隻流浪貓貓,一直都心掛掛,
若有所思...................

佢係我地响Beach Road 附近一間酒店(ARK)見到,
初初見到佢定定坐响路邊,傻更更望住路邊,好似諗緊o野,
身型真係好瘦,見到佢果陣係夜晚8點幾,
路人來來往往(因為係休閒旅店,3星果種)
冇人理佢,不過佢靜靜地坐响度,亦唔驚人...
自從上年响芭提雅遇到街貓周圍搵o野俾貓食之後,
今次精o左,手袋裡已經準備好細細包鮮肉貓糧,
自然打開俾佢食!

見到佢狼吞虎咽o既樣,問了一下酒店工作人員,
有冇人餵佢?酒店裡的人話係冇人餵o既,
不過佢响附近流連,
佢食完之後,都係靜靜地坐返原位,望住往來的行人,
我地決定聽日再來餵過!!!

佢都係响果間酒店附近活動,應該有人間唔中俾o野佢食,
只不過見佢真係好瘦(真貓比相瘦),
一連餵o左佢三日,內心一直擔心,等我地離開蘇梅邊個俾o野佢食?
個仔見我咁樣一直安慰我話:佢之前一直响度應該有人俾o野佢,唔好擔心~
想買多d鮮肉包俾呢度酒店員工請佢地代餵,
不過佢地已經表態,因為此處為遊客區,
有d客唔鍾意貓,驚敏感,所以佢地唔會主動餵,
這三日就算我地同佢有個小小的緣份吧..................
希望他在蘇梅能好運遇到其他貓奴!!!

Holiday spirit 2

 

這裡,你的睡床就面對住海,藍藍的海,
不是受污染或已變成怪顏色的海,
這裡是...........Six Senses Samui(蘇梅)
Six Senses是一個很出名的渡假酒店集團,在世界各地都有分支酒店,
他主要都建在偏僻安靜無人囂的海岸邊上,
整個酒店都是木頭,竹子,最自然的原料建成,
客房裡的所有東西也都是利用棉繩或玻璃或再造紙做成,
都可以循環再用,
幾年前我們住過Six Senses(華欣)後,就一直唸唸不忘,
因為屬於Pool Villa ,房間外就是私人泳池,
那種自由舒適的渡假方式讓我們決定要再來,
(當然也要多謝老公常常查網頁知道這個暑假他有特價,要不然貴到嚇人)

首先要先提一提扁貓家族的旅遊習慣,
購物一定是次要,因為香港.......買不夠嗎?哈哈
不能太累(晚班機就謝謝了),不想趕集(一年難得旅行幾次,趕來趕去所謂何?)
隨性而為,自由自在,到處晃晃吃吃,一大樂也,
最重要一點,酒店不能差(香港的屋有多大?去旅行再住一間比自己房還小的酒店,喔~NO,那我情願睡自己床好些)
所以一想到日本的酒店....就不想去啦!

所以今次我們要在這呆六日,
無拘無束的享受沒什麼人的海灘,
沒什麼人的餐廳,(除了住客)
事前都要準備一些渡假用品,

旅行保養品?Check!

香氛香油蠟燭?(有咁大的浴缸要好好利用)Check!!

精神食糧(書,DVD,ipad)??Check!!
(上一次我們看完全套"friends")

打水仗的玩具??Check!!!


一想到就興奮一想到就緊張,一想到就開心!!!

(家裡有工人姐姐睇住貓地,佢在扁府打左6年工,一切放心)


下星期外遊開始!!!!!YA!!YA!!!!

扁面貓的由來

 

大家應該都知我有隻養左10年o既狗狗"Belu",細個時都斷斷續續養過幾隻狗,
但點解到之後會變成"Cat person"?而且對扁扁面的貓一見情鍾?
我都一直有咁o既迷思,直至有一日,
睇返以前的相先知........扁扁地o既面,臭臭地o既樣,係從很耐之前就根深地棝在我腦海裡!

這是我的女兒兩歲時剛剛入左保良局幼稚園(預備班)時影的第一張學生像,
果陣時仲有BB班,之後過幾年取消o左

呢張係佢四歲做passport影o既大頭照

再看一看這隻扁面的小東西...........
我的家裡充滿了扁臉豬!!!!


不過小孩會長大,
時光飛快流逝,他們以光速般成長,
年復一年眼見他們擺脫了稚氣,擺脫了青少年的青澀,
有自己的世界與理想,

這位從扁臉的小孩變成婷婷玉立的大女孩,目前在多倫多大學讀犯罪學(Criminology),
------------我的女兒stella

而我依然是會守在家裡,守著我的扁臉貓,做一個盡責的守護者

===================================================================================

後記


首領o既鄭sir呢排整電單車,PO一張上年响西貢見到o既有型電單車俾鄭sir參考