我愛酵素

好久沒更新啦~就來跟呢媽一樣變成月刊
其實係掛住打機,玩開o既『魔獸世界』呢排改版,咁係努力升呢啦,
我諗冇邊個阿媽會同個仔一齊打機o掛,
佢地細細個就同我一齊打機(,5,6歲到)~~個仔四年班就識打倉頡,打歸打,
功課唔惦一定罰唔俾玩,而且話收機就收機,
所以至今個仔功課都保持全級前20名(中四),
全班前幾個,尤其英文一定係全校最高分果個,
小六已經睇外國片唔洗睇字幕,過癮o既係~~~
我兩個小朋友只係讀普通中文小學但都派到英文中學,
(唔記得講家姐添,佢英文從細就勁,中五去加拿大讀書唔洗先讀語文班)
所以打機反而係我同小朋友之間好良好的溝通方式,雖然大多數係為o左遊戲爭執
不知不覺講一堆,忘o左正題!!!


我愛酵素!!!!!

前一排好興自整酵素,柴娃娃都整o左D試試,
原本飲飲下都唔錯,我又唔鍾意飲汽水,
就把酵素當飯後飲品~
結果有一日.........同親朋食飯(應該係中秋節o掛)
佢地話:點解你塊面瘦o左?(前幾日o岩o岩從台北飲飲食食返o黎)
點有可能?!
個仔就幫我影o左張相,一睇之下......好似係喎~~
去片~~~(唔好笑我阿,係特登擺個古靈精怪post)

自問出年就邁向50大關o既高齡,
咁都算睇的落眼,唔會嚇親人
(冇用任何apps搞過,後面有大燈有些少反光)

所以..................
我完全歸功酵素,因為我除o左水同酵素其他都唔飲,
龍眼,雪梨,桃子,蘋果......各式各樣的生果我都會試,
原本唔想寫,因為感覺好似晒命咁,
只不過寫blog的精神就係有好o野就分享俾大家~
眾blog友姐妹!!努力飲酵素呀


******補充返我自己覺得酵素功用*****
龍眼(好瞓D),雪梨(喉嚨怪怪地幾聲咳,我飲o左就冇事),李子(暫時唔覺)
希望以後多飲幾種再補充

世事無常

一個原本歡欣的盛宴,怎知變成好幾家人的悲歡離合,
世事本無常,也許須盡歡時就別太拘泥了,
怎知明天是如何呢?
學一下貓貓,睡睡覺,舔舔手手,追追尾巴
餓了就喵喵喵,人生多簡單~!!!!

把

把Mocha的相片用app來惡搞一下
太多的apps要選好久才會找到心宜的程式,
不過這個app靚之餘,相對價錢都唔平,
加加埋埋都用了1xx蚊,只不過真的好鍾意,
其他美化相片既就賺不到我的錢了,
求其玩玩就好~

2012@秋遊台北/2

你看上面~!!
我抬頭一看,原來有三隻黑白小貓在屋簷上活動,
難怪西門街頭見不到貓蹤,
上面安全的多了!!!~~又有店家擺了食物同水兜,
好有心思喔...........
街上來來往往的行人跟狗隻跟本傷唔到貓地,
佢地可以好安心的玩耍或下望街景.....

在逛一間百貨雜物店買些家居用品時,
突然見到一隻狗從我身邊經過....................
百貨可以俾狗入???而且係隻大狗,
仔細一睇

見到呢個特別的支架............
原來.............

佢係一隻"導盲犬"O黎嫁!!!

只有之前响電視或雜誌知道呢種狗的資料,我第一次親眼見到導盲犬,
佢真係好乖好乖....一直企响主人隔離,靜靜地唔郁,
對好動既狗狗O黎講,十分難得~好佩服佢地
香港我反而冇見過有........
台灣好似有4X隻,比香港先進多啦


我有個習慣,旅行到一個地方,
如果經過一些當地的廟宇或教堂(唔理邊種宗教)
我都入去參拜.........當做係一種緣份
今次係

真係一座好古色古香的廟宇,

果日朝早就已經好多好多信眾一齊跟住廣播
集體誦經,成個區充滿了虔誠莊嚴的氣場,
好壯觀~~~

聽講朝朝都可以聽到呢種誦經方式,
有興趣既要選朝早去喔

以下鏡頭轉俾美食部............
可能會令人引起不安
請自行決定收看與否

大多平價又美味,
呢個就係台灣小吃既吸引人之處

我想大家都認同罷?!

2012@秋遊台北/1

早機去得確好方便,行李先丟响酒店(今次都係住just sleep,因為港客多比較有親切感)
地方乾淨又離西門盯同埋地鐵都近

直接往阿宗麵線衝去,仲未到10:30門口就已經好多客人等緊營業時間到

我同老公研究點解佢可以比其他鋪頭既麵線好食咁多(比X方雲集高出幾班)
問題出响麵線本身,又煙韌同時又軟身,成碗好密既麵線組成,而唔係湯湯水水咁,
因為麵好熱又唔趕時間,慢慢吹凍D坐响度殺時間,
下一站午餐:鐵板燒(咦?咁呢碗係乜?)

比較長期睇我blog既朋友一定知我講邊間,
哈哈~又係根萊鐵板燒
http://www.ximen.com.tw/store_112_map.html

叫咁多樣o野,銀鱈魚,蝦,牛肉,蟹腳,尤魚,蚵仔.......買單1000台幣(2百幾港紙)
抵唔抵?而且.....好好食,所以我地幫襯佢地好多年

終於醫完肚,下一站.......台式指壓(按摩)
兩個鐘腳底按摩+全身1350,手法好道地,按完成身鬆晒,只不過師傅都幾好力,
我好怕痛,次次都要叫佢地細力D
http://0223890828.web66.com.tw/

之後返酒店休息,順便沖涼換衫,
夜晚約o左住台北既朋友食飯,唱K
佢地帶我地去食比較時髦既餐廳,麻辣鍋店:一兵一卒

唔算太辣,牛肉就又軟又滑,成晚開心傾解飲台灣清啤,
快樂又悠遊!!!反而食物變成配角了~
http://www.bingepot.com/bingepot.html

食完走去錢櫃唱K,响呢度既夜生活絕對唔會缺~
唱到12點我已經眼都睜唔開啦~
5點幾就起身趕機.....決定返酒店瞓覺覺~

事先張揚的事件簿

望呀望~盼呀盼~明天就係同老公一齊去台北自由遊的日子~
呢排佢日日响度計,要食乜食乜(唔小心透露o左老公好為食添)
佢工作繁忙壓力又大,成日要周圍飛,(試過四日來回美國,既日來回馬尼拉........)
平時大D既假期(暑假或聖誕節假新年假)又通常帶住仔女一齊旅行,
講真好少兩公婆可以單獨去旅行,
今次儲到可以用飛行里數換機票時,一係泰國一係台北選擇,
泰國暑假去過,不二之選就係台北啦~~近近地飲飲食食又一個happy假日,
一想到就興奮!!!!

傻仔阿Mo要乖乖聽姐姐話呀!唔好同肥仔Corn打交喔
佢蝦你返來同我講,我幫你教訓佢

佢就係咁樣夜晚掛响度瞓,有時唔理下面有我地瞓,
照樣跳落來.......而且好大力......淒慘既踏腳石!!!!

M.I.B

這個標題都幾R晒頭,總之地球繼續旋轉,
肥Corn依舊霸道,阿Mo依然係小甜心一個

越細的位子貓貓越係鐘意响度hea

朝頭早既肥Corn通常都比較憂鬱

不過點都憂鬱唔過o岩o岩從櫃頂跌落來的阿Mo,
我開始懷疑阿Mo係唔係有近視....................

雜七雜八的飲食相都係堆响一齊一次睇晒,
快靚正!!!!

昌發泰式米粉永遠係最愛.........日式放題一家去食就唔洗頭痛個仔邊樣唔食既問題

尖沙嘴海運既金不換味道都算OK,朋友飲飲食食吹水歡樂的一晚,右為自家煮蛋包飯,獅子頭,合菜戴帽加烙餅

最尾就係標題既MIB
靚仔老公果日特登穿黑衣同警察總部既人開會

不吐不快

上圖轉自"文地貓" 下圖轉自癲噹@貓室





================================================================

你走在另一個國度,身處另一個地方,
所表現出的所有行為所有做為,
都能代表你的家教,你所受的教育,
你自身的自我約束,
這一點..............
香港人做的很好,
所有人眼中的香港人,
站出去....勤奮努力工作,
識大體,不做失禮於人的事,
遇到別的國家有災難,第一個站出來捐錢捐物資,
只要提起香港人,香港精神,我想誰都會舉起大姆指說: Good!
這都是一種對自己群體所做出最大的一種尊重,
不想自己讓"香港人"三個字蒙羞.


比起滿街隨地大小便,吐痰,公眾地方搶位子,大聲喧嘩,目中無人,
任何東西一進到強國就馬上有"山寨版",
只要一提起"強國"..........皺眉頭的可佔90%,
這些國民所做出的行為,是顯揚他們的"愛國"情操?
還是替泱泱大國爭面子?
是誰才需要接受國民愛國教育?
還是已經受過了,但表現出的行為顯示..........教育完全失敗???

你真正愛國,你真正愛自己出生的地方,
就不要做出讓國家丟臉的事!!!!


你強逼一個從沒柱牙的孩子吃糖,
但另一個滿口柱牙的,你卻坐視不理,
只拿出"我是你家長"你就得聽我的強硬態度,
完全不理不想吃糖的小孩理由,如何申訴都沒人聽,
你真正"愛"你的孩子嗎?
或是................
你真正有資格做一個家長嗎?


=============================================================

這一段是森美反擊ATV廣告

http://www.youtube.com/watch?v=A8XWHNe0P2o&feature=share